Татарстан инноваторлары фәнни тикшеренүләр үткәрүгә акча ала алачак
Инновацияләргә ярдәм фонды фәнни-техник өлкәдә перспектив проектларны гамәлгә ашыручы яшь галимнәргә һәм кече компанияләргә ярдәм күрсәтә. Соңгы 5 елда гына да Фонд бюджеты 63,8 млрд сум тәшкил иткән, 38,5 мең проект хупланган. Фонд тарафыннан Россия Федерациясенең 78 субъектында төбәк вәкилләре челтәре формалаштырылган. Татарстан Республикасында агымдагы елның сентябреннән төбәк вәкиле вәкаләтләре Татарстан Республикасы Икътисад министрлыгы карамагындагы Эшкуарлыкка ярдәм Фонды генераль директоры Айдар Салиховка тапшырылды.
Агымдагы елның 16 – 18 ноябрендә Татарстан Республикасы Икътисад министрлыгы карамагындагы Эшкуарлыкка ярдәм итү фонды мәйданында «Умник» бәйгесенең финалы узды, аның кысаларында 73 финалист түбәндәге тематик юнәлешләр буенча инновация проектларын тәкъдир иттеләр: цифрлы технологияләр, медицина һәм сәламәтлек технологияләре, яңа материаллар һәм химия технологияләре, яңа приборлар һәм интеллектуаль җитештерү технологияләре, биотехнологияләр, ресурсларны сак тотучы энергетика.
«Бәяләүнең төп критерие – проектны коммерцияләштерү перспективалары. Шуңа күрә эксперт жюри составына эшкуарлык җәмәгатьчелеге вәкилләре керде, алар проектларны базарда продуктка ихтыяҗ, көндәшлекле өстенлекләр һәм импортны алыштыру потенциалы позициясеннән бәяләделәр», – дип хәбәр итте инновацияләргә ярдәм фондының төбәк вәкиле – Татарстан Республикасы Эшкуарлыкка ярдәм фондының генераль директоры Айдар Салихов.
Бәйгегә йомгак ясаганнан соң, билгеләнгән квота буенча Төбәк эксперт жюри тарафыннан Инновацияләргә ярдәм фондының эксперт советы тарафыннан карау һәм раслау өчен 20 гариза тәкъдим ителәчәк. Җиңүчеләр үзләренең инновация проектларын гамәлгә ашыруга 500 әр мең сум акча алачак.
Татарстан Республикасы Эшкуарлыкка ярдәм итү фонды микрофинанслау, экспортка ярдәм итү үзәкләрен һәм «Минем бизнес» үзәген үз эченә ала, эшне комплекслы якын килү һәм финанслау, укыту, экспортка чыгу һәм кече һәм урта эшкуарлык субъектларын үстерү һәм аларга ярдәм итү буенча төбәк программаларын гамәлгә ашыру белән бәйле башка төр хезмәтләр күрсәтү кебек бизнеска ярдәм итү юнәлешләрен бер үк вакытта тормышка ашыру нигезендә, шул исәптән «Кече һәм урта эшкуарлык һәм шәхси эшкуарлык инициативасына ярдәм» милли проекты кысаларында төзи.
Тулырак мәгълүмат белер өчен «Минем Бизнес» үзәге телефоны буенча мөрәҗәгать итегез: 8 (843)524-90-90.